Türkmenistanda Durnukly Ösüş Maksatlaryna (DÖM) gözegçilik etmek boýunça milli mümkinçilikleri güýçlendirmäge gönükdirilen hünärmen webinary geçirildi. Bu çäre BMG-niň Hemişelik utgaşdyryjysynyň edarasynyň goldawy we Türkmenistanyň Statistika baradaky Döwlet komiteti bilen ýakyndan hyzmatdaşlykda guraldy.

Webinara öňdebaryjy halkara guramalaryndan, şol sanda BMG-niň Azyk we oba hojalygy guramasy (FAO), BMG-niň ýaşaýyş gurşawy boýunça maksatnamasy (UN-Habitat), Tebigaty goramagyň halkara birleşigi we BMG-niň Daşky gurşaw boýunça maksatnamasy (UNEP) bilermenleri gatnaşdy.

Hünärmenler birnäçe esasy meseleler, şol sanda durnukly balyk gorlaryny dolandyrmak, şäherleri we jemagat hojalygyny ösdürmek, şeýle hem suw ekosistemalaryny goramak we ýitip barýan görnüşler boýunça maglumatlary derňemek babatda amaly maslahatlary berdiler.

Özara tejribeler ýurtda maglumatlary ýygnamagy we derňemegi kämilleşdirmäge mümkinçilik berer, bu bolsa öz gezeginde Türkmenistanyň ählumumy DÖM-lere ýetmekde gazanýan ösüşini has netijeli yzarlamaga ýardam berer.

Çeşme:Türkmenistanyň Halkara habarlar merkezi